2024/02/21

BIZIKLETA IBILTARIA ADINEKOENTZAT
Txirrindu-Triziklo proiektuaren aurkezpena
Bidelagun. Laguntza Emaile Taldea. Boluntariotza
Voluntariado
www.bidelagun.com

Bidelagun Elkarteak  Txirrindu-Triziklo proiektu berria aurkeztuko du otsailaren 27an goizeko 11.30etan Elizondoko Foruen plazan.

Proiektuak urteak zeramatzan inkubatzen, baina COVIDak eta finantziazio faltak orain arte martxan jartzea atzeratu zuten.

Dagoeneko Europan garatutako proiektuan oinarritzen da, eta gertuago dago Donostian (https://www.bae.eus/eu) eta Corellan (https://biciclistas.es/en-bici-sin-edad) eta gaur egun Iruñean.

Proiektuaren helburua

1. Adinekoei bizikleta elektriko egokituan ibiltzeko aukera eskaintzea.
2. Beren bizi-kalitatea hobetzea eta gizartearen parte sentiaraztea naturaz gozatuz, eta gure ibarreko adineko ahulenen zaintza aldarrikatzea.

Omenaldia

Proiektua abian jartzea Txuma Eugi Elkarteko boluntarioari omenaldia egitea da. Izan ere, Eugi 2020an hil zen, bizikletazalea eta adinekoekiko sentiberatasun bikaina zuena, eta hasierako proiektuarekin bat egin zuena. Berari eskainia dago.

Finantzaketa

Hainbat emailei esker erosi ahal izan da bizikleta: ekarpen handi  bat pertsona partikular batek egin zuen, Baztan Futbito Txapelketak 400 € eman zuen, Lekarozko Institutuan ospatu zuten Liburu Azokari esker 120€ko  ekarpena  egin zuten, eta Ximiko Berrik bigarren eskuko dendaren irabazien zati bat bizikleta erostera bideratu zuen, proiektu sozial abian paratzeko.

Boluntarioak erakartzea

Hilaren 27an, proiektua jendartera ekarri nahi dugu, bizikleta gizartean aurkeztuz.

Bolondresak behar ditugu.  Herritarrei dei egin nahi diegu boluntario izatera anima daitezen, bizikleta maite duten pertsona partikularrei eta Bailarako txirrindulariei, asko baitira eta beren denbora pixka bat eman nahi baitute adineko pertsonei laguntzeko.

bidelagun@hotmail.com helbidera joz egin dezakete, izen-abizenak eta telefonoa utzi eta harremanetan jarriko gara.

Prestakuntza

Elkarteak honako hauek eskaintzen dizkie boluntarioei:

1. Prestakuntza. Hiru zutabetan oinarritutako hasierako prestakuntza. Txirrindu-triziklo elektrikoaren osagaiak ezagutzeko saio teorikoa: bateria, balaztak, etab. Ibilbideak, bihurguneak hartzeko trebetasunak, leku estuetatik igarotzea ezagutzeko saio praktikoa. Eta hirugarren saio bat, eskarmentu handiko boluntario batekin.

2. Asegurua. Erantzukizun zibileko eta boluntarioaren asegurua eskaintzen dugu.

3. Jarraipena. Jarduera astero antolatzea eskaintzen dugu, irteera egutegi batekin eta erabiltzaileekiko koordinazioarekin.

2024/01/30

Hemen uzten dizuegu 2023ko Jardueren eta Ekonomiaren Memoria => Memoria jaitsi.

2023/11/2

Jarduera honek aipamen berezia merezi du. Urteko astearte arratsaldero, boluntario talde bat Elizondoko Egoitzan elkartzen da egoiliar talde handi bati konpainia egiteko. Hamaika boluntario biltzen dira, Patxi buru dutela, kitarra jotzeko eta arratsaldea abesti askorekin girotzeko.

Adinekoek abestu eta tareatu egiten dute, gogoratu, memoria landu; boluntarioek lagundu, dantzatu, haiekin hitz egin, enpatizatu. Horrela dira astearteak, egoiliarren egunaren erritmoa apurtzen duen unea, erlaxatzeko unea, oroitzapenena, bizitako eta partekatutako esperientziena, irribarreena. Ordubeteko jaiaren ondoren, egoiliar bakoitza bere txokora itzultzen da, eta boluntarioak partekatu beharreko kafe-makinaren inguruan biltzen dira.

Eskerrik asko adineko pertsonei hainbeste bizitza emanten dien jarduera honen aldeko boluntario guztiei. Eskerrik asko zuen konpromiso leialagatik, astez aste. Eskerrik asko gizarte hau gizatiartzeagatik. Eskerrik asko zuen bihotzagatik.

Animatzen al zarete?

2023/10/1

Uztaila eta urria bitartean 23 boluntario elkartu gara asteazkenetan, goizetan, Elizondoko zaharren egoitzako 52 erabiltzaileri irteera ludiko batean laguntzeko. Puntualak, goizeko 10etan, Elizondotik Elbetera doan eremu lauan buelta bat emateko prest, gurditxoak eta hainbeste pertsonaren borondate ona lagun, beren egoeragatik irteera zailago duten pertsonei bizitza atsegina eginez.

Ura hartzeko barre, kantu eta geldialdi artean jasotzen genituen eguzki izpiak, gu gindoazen bitartean freskatzen gintuen haizea. Elbeteko plazan geldialdia eta 11:30ean bueltan, eta horrela, udako asteazkenak bizitza eta elkartasuna partekatzeko une bihurtu ziren, baita ezkutuan geratzen diren errealitateak ezagutzeko une ere, intentsitate osoz argitara atera arte.

Parte hartzera animatzen zaituztegu, astean ordu eta erdi besterik ez da.

2023/07/07

Elkarrizketa osoa hemen.

2023/06/20

Gure urteetako ametsa errealitate bihurtu da. Adineko pertsonak paseatzeko triziklo elektrikoa gurekin dago. Diru kopuru handia duen emaile baten ekarpenari, Baztango Areto Futbol Txapelketako parte-hartzaileen dohaintzari, Lekarozko Institutuko gazteei eta Ximiko Berriren ekarpenari esker egin da hori. Proiektu honen helburua da belaunaldien arteko trukea erraztea eta adineko ahulenek tokiko komunitatearekin, naturarekin, duten harremana erraztea.

Jardueraz aprobetxa daitezke bai etxeetan dauden adinekoak, bai zahar-etxean daudenak.

Proiektuak boluntarioak, bizikletazaleak, gazteak, erretiratuak eta abar bilatzea dakar.

Proiektua martxan jarri aurretik, aurkezpen publiko bat egingo dugu eta hiru ezaugarri biltzen dituen prestakuntza-ikastaro bat eskainiko dugu: trizikloaren aldetik mekanikoa eta elektrikoa kontuan hartzen dituen saio teorikoa: bateria, balaztak, manta…

Beste saio bat izango litzateke nola maniobratu, zer ibilbide egin, kurbak nola hartu eta leku estuetatik igarotzeko trebetasunak. Eta azken saioa praktikoa izango litzateke dagoeneko jarduera horretan diharduten boluntarioekin.

Horrekin guztiarekin, irteeren eta orduen egutegi bat antolatuko litzateke, eta dena egokituko litzateke boluntarioen erabilgarritasunera eta adinekoen ordutegietara.

“ADINEKOAK PASEATZEA” PROIEKTU HONETAN BOLUNTARIO GISA IZENA EMAN NAHI BADUZU, HAUXE DA ZURE AUKERA.

BIDAL IEZAGUZU MAIL BAT bidelagun@hotmail.com helbidera, utzi zure izena, abizena eta telefonoa eta zurekin harremanetan jarriko gara.

Behar zaituztegu.

2023/05/3

Lekarozko Institutoan Liburuaren Azoka antolatu zuten maitzako hilabetean eta bertan ateratako irabazia Bidelagun Elkarteari ematea erabaki zuten: 120€.

Bidelagun Elkarteak erosi nahi duen Adineko Jendea paseatzeko txirrindu elektrikorako erabiliko du dirua.

Gure eskerrak Institutoko gazteei erakutsi duten eskuzabaltasunagatik.

2023/04/12

Aste Sainduan Baztango Areto-Futbol Txapelketa solidarioa egin da Elizondon hainbat talde parte hartuz, eta bildutako sosa Bidelagun Elkarteari ematea erabaki zuten. 400€ko ekarpena egin zuten. Bidelagunek diru hori Adineko jendea paseatzeko txirrindu elektrikoa erosteko ibiliko du.

Eskermile zuen sentiberatasunagatik. Fite zuen ekarpenaren fruitua Baztango karriketan ikusiko duzue.

2023 matxoak 27

Martxoaren 27an, Martina Novatsky gure artean egonen da, Elizondon, arratsaldeko 7etan, Arizkunenea Kultur Etxean, sabaian. Sarrera libre da.

Gehiago jakiteko hemen uzten dizuegu eitben egindako elkarrizketa.

https://www.eitb.eus/es/radio/radio-euskadi/programas/vivirparaver/detalle/9052463/se-puede-volver-de-muerte-martina-novatzky-nos-cuenta-como-volvio-a-vida/

2022 urriak 24

Bidelagun elkarteak kanpaina ibiltari bat hasi du herriz herri, bi helbururekin:

1. Baztango herri bakoitzean boluntarioak bilatzea.
2. Adineko jendeari zerbitzu-zerrenda bat eskaintzea, ongizatea hobetzeko.

Bidelagun elkarteak eskaini nahi duen zerbitzua elkartasunean oinarritzen da, hau da, herrietako jendearen konpromisoa lortzean: gazteak, erretiratuak edo denbora eskaintzeko borondatea dutenak, eta beste pertsona batzuen zerbitzura jartzea.

Kanpaina hau Baztan osatzen duten herri guztietan egingo da urrian eta azaroan. Gizarte langileekin batera herrietara joango gara proiektua aurkeztera eta jendea boluntario egitera animatzera.

PROIEKTUA

Hemen uzten dizuegu proiektuaren berri izan dezazuen dokumentua. Proiektua jaitsi =>

FITXA

Eta irakurri ondoren animatzen bazarete, hemen uzten dizuegu agiria boluntarioarentzatbete ezazue eta igorri agertzen den helbidera. Fitxa jaitsi =>

Proiektua beti dago irekita bolondres berriak sartzeko.