2022 urriak 18

Ximiko-Berri bigarren eskuko dendak, Iruritan kokatua, urtebeteko ibilbidea bete du.

Urtea izan da gure burua ezagutarazteko eta Bailaran proiektuaren beharra aztertzeko.

Pixkanaka konturatzen ari gara proiektuak sentsibilitatea sortzen duela arropa eta material desberdinak birziklatzeko eta berreskuratzeko.

Asko izan dira berreskuratzeko materiala eskaini duten pertsonak, eta bihotzez eskertzen diegu.

Orain beste urrats bat emateko garaia iritsi da, eta bazterketa-arriskuan dauden pertsonekin harremanetan jartzen hasi gara, proiektuan txertatzeko, lan bat eskaintzeko eta laneratzeko eta gizarteratzeko enpresaren kalifikazioa lortzeko.

2022 irailak 21

Abuztuan Atzerritarrei buruzko Legearen Aldaketa Berriak indarrean sartu zirela-eta, Bidelagun Elkarteak egokitzat jo zuen bilera bat antolatzea, migratzaileei egindako aldaketen berri emateko.

Bilera Elizondoko Arizkunenea Kultur Etxean egin zen, eta Rafael Paredes abokatu boluntarioak gidatu zuen, atzerritartasun gaietan aditua.

Interesa zuten migratzaileez gain, Baztango eta Malerrekako Oinarrizko Gizarte Zerbitzuek ere parte hartu zuten; guztira, 35 pertsona inguruk azaldu zuten kasuista partikularra, eta banan-banan erantzun zitzaien Atzerritarren Legearen aldaketa berriak.

2022 abuztuak 31

Elizondoko Txokoto Tabernak gure elkartearen aldeko pintxo potea antolatu du abuztuko ostegunetan.

Biltzen den dirua elkartearen proiektuetara bideratuko da. Bildutako kanitatea 333,5 €-koa izan zen.

Bidelagun elkarteak prestatzen ari den larrialdietarako etxerako termo elektriko bat erosteko erabiliko du dirua.

Eskerrak eman nahi dizkiogu Txokoto Tabernari erakutsitako ekimenagatik eta sentsibilitateagatik, bai eta kontsumoaren bidez gure komunitatearen ongizateari lagundu dioten guztiei ere.

2022 ekainak 3

Duela urte batzuk jakin genuen proiektu hau Holandan sortu zela eta Europako hiri askotara hedatu dela. Proiektu horrek bizi-kalitate handiagoa eman diezaieke gure adinekoei. Proiektua Donostian (Txita) eta Corellan (Yayocleta) martxan zegoela jakin genuen, eta horrela animatu ginen Baztanen ere ezartzera. Pandemiak dena geldiarazi zuen, eta orain laguntza eman diezaguketen emaileak eta tartean sartu nahi duten boluntarioak bilatzen ari gara. Hemen aurkezten dizuegu proiektua, eta bizikleta gidatzeko boluntario izatera animatzen bazarete, jar zaitezte harremanetan elkartearekin.

BIZIKLETA IBILTARIA ADINEKO PERTSONENTZAT
Bidelagun Elkarteko proiektu bat

Egitasmoaren helburua bikoitza da. Alde batetik, adineko pertsonei bizikleta egokitu batean ibiltzeko aukera ematea eta bestetik beraien bizi kalitatea hobetu eta gizarteratuak sentiaraztea.

Helburuak:

1. Elkarren arteko komunikazioa
2. Adineko pertsonak ongizatezko gizartean txertatzea.
3. Herriarekiko lotura sendotzea.
4. Naturaz disfrutatzea.
5. Belaunaldi arteko hartu-emana lantzea.

Onuradunak: Adineko pertsonak, bai erresidentzian nahiz etxe partikularretan bizi.

Zertarako:

1. Herrian barna paseatzeko.
2. Herrietako xokoak ezagutzeko.
3. Kafe bat hartzeko aitzakia izateko.
4. Kultur ekitalditara eramateko.
5. Herriaren eraldaketa jarraitzeko.
6. Jendearekin topo egiteko.

Nola eginen da:

1. Bolondresen bitartez. Kanpaina bat irekiko da bolondresak bilatzeko. Aurrerago formatuko ditugu bizikletaren erabilpena ezagutu eta adinekoekin funtzionatzeko beharrezko informazioa teknikoa eskainiz.

2. Lanbide Eskolako laguntzarekin. Bizikleta prestatuko dute. Berria erosi beharrean, Lanbide Eskolako ikasle eta irakasleen jakintza aprobetxatuko dugu. Modu honetan bertako baliabideak erabiliko ditugu: baliabide pertsonalak, teknikoak eta materialak. Bizikleta berrerabilitako materialekin eginen da eta honako baldintzak bete beharko ditu: motor elektrikoa, hankak estaltzeko plastikoa, bi pertsonentzako tokia gehi beste bat gidariarentzat..

3. Bizikleta egiteaz gain, egitasmoak Lanbide Eskolako konpromisoa lortu nahi du adineko pertsonak paseatzera ateratzeko, belaunaldien arteko hartu-emana sendotu eta herriarekiko gizarte lotura bat sortu dadin.

Finantziazio iturriak

1. Egitasmoa Baztanen dauden bankuetan sartuko da. Lortutako dirua bizikleta egiteko beharrezkoak diren materialak eta segurua ordaintzeko erabiliko da bereziki, baina baita ere bizikletan ibili behar diren pertsonen osagaiak lortzeko: kaskoak, eskularruak, eta abar.

2. Crowdfunding. Hau bertze bide bat izanen da beharrezkoa ikusten bada.

3. Donazio partikularrak lortzea.

Proiektua martxan paratzeko egutegia:

1. 2022 maiatza. Proiektua Lanbide Eskolan sartu balotaru dezaten. Baimena lortu ezkero, hurrengo ikasturtean bizikleta egiten hasi.
2. 2022 maiatza. Proiektua banketxetan sartu.
3. 2022 iraila. Proiektua Baztan osora zabaldu bolondresak aurkitzeko.
4. 2023 urtarrila. Formakuntza bolondresekin.

2022 ekainak 1

2022 otsailak 3

https://www.youtube.com/watch?v=xa9xI5j6INk

Hemen elkarrizketa osoa:

2022 urtarrilak 7

Bidasoako ibaia heritz muga bat bihurtu da: 7 hildako eta 8.000 migratzaile baino gehiago artatu dira urtebetean.

Gure lurrean.

IIrungo Harrera Sareak laguntza eskaintzen dizkiete. Hemen sarea: https://euskalherriaharreraherria.info/cas/quienes.html

Migratzaileen omenez:

2021 azaroak 23

Iruñean egindako topaketaren bideoa uzten dizuegu: Pertsonan oinarritutako zaintza.

2021 azaroak 3

Urriaren 18an ireki genuen proiektu berria.

XIMIKO BERRI

Ekonomia zirkularrean murgildutako proiektua

2021 urriak 21

Elizondoko Lanbide Eskolak aukera eman zien ikastetxeko hainbat klaseri Bidelagun Elkarteak Bailaran egiten duen lanari buruzko hitzaldia emateko.

Garatzen duen jarduera erakusteaz gain, batez ere, 35 pertsona ingururen taldean kritikarako eta hausnarketarako gaitasuna piztuko duen kontzientziazio-mezu bat zabaltzea izan zuen helburu. Irudiei hitzei baino leku gehiago utziz.

Aitatxi-amatxien bizimodua eta gaur egungo errealitate soziala alderatu ziren, adinekoei ahotsa emanez eta belaunaldien arteko elkarrizketa proposatuz, honako hauetan oinarrituta: zahartzaroaren errespetua eta balioa, migratzaileei buruzko aurreiritziak gainditzea eta Bidasoako immigrazioaren errealitatea, eta gaitasun kritikoa lantzea gizarte atseginago eta gizatiarrago baten bila.